“Onların silahları rəqəmsal ola bilər” - Deputat təcili çağırış etdi
“Azərbaycanın postmüharibə reallıqlarına uyğun yeni Milli Təhlükəsizlik Konsepsiyasına və yenilənmiş Hərbi Doktrinaya ehtiyacı var”.
Ölkə.az xəbər verir ki, bunu Milli Məclisin İnsan hüquqları komitəsinin sədri Zahid Oruc komitənin bu gün keçirilən iclasında deyib.
Onun fikrincə, yeni konsepsiyada kibersuverenlik, kritik və maliyyə infrastrukturlarının dayanıqlılığı, süni intellekt, kosmik təhlükəsizlik, dezinformasiya, milli kiber ehtiyatlar və təchizat zəncirinin təhlükəsizliyi ayrıca istiqamətlər kimi əks olunmalıdır.
Komitə sədri əlavə edib ki, Qarabağda qazanılan qələbədən əvvəlki Azərbaycanın təhlükəsizlik sənədləri Zəfərdən sonrakı Azərbaycanın bütün çağırışlarını tam əhatə edə bilməz:
“Elektron səngərlər görünməz, onların silahları rəqəmsal ola bilər. Müzakirə etdiyimiz qanun layihəsi həmin sərhədlər ətrafında hüquqi istehkam yaradır”.
Mürtəza
