Ceyhun Bayramov onları təbrik etdi
Xarici işlər naziri Ceyhun Bayramov diplomatik xidmət orqanlarının əməkdaşlarını peşə bayramı münasibətilə təbrik edib.
Ölkə.az xəbər verir ki, o, bununla bağlı "X"dəki hesabında paylaşım edib.
"9 İyul – Azərbaycan Respublikası diplomatik xidmət orqanları əməkdaşlarının peşə bayramı münasibətilə bütün həmkarlarımı ürəkdən təbrik edirəm. Azərbaycan Respublikasının Prezidenti cənab İlham Əliyevin müəyyən etdiyi xarici siyasət kursu çərçivəsində vahid məqsəd və yüksək məsuliyyət ilə ölkəmizə xidmət edən bütün həmkarlarıma təşəkkür edir, hər birinə şərəfli fəaliyyətində yeni nailiyyətlər arzulayıram. Peşə bayramımız mübarək!", - paylaşımda qeyd olunur.
Qeyd edək ki, bu gün Azərbaycan diplomatlarının peşə bayramıdır. Diplomatik xidmətin yaradılmasından 107 il ötür.
