Türk mətbuatı prezidentin Əfv sərəncamından yazdı
Mart ayının 16-da Prezident İlham Əliyev “Məhkum edilmiş bir sıra şəxslərin əfv olunması haqqında” sərəncam imzalayıb.
“Ölkə.Az” xəbər verir ki, prezidentin Novruz bayramı ərəfəsində imzaladığı əfv fərmanı qardaş Türkiyə mətbuatında işıqlandırılıb. Nüfuzlu ntv.com.tr xəbər portalı “Azərbaycanda İlham Əliyevdən Novruz əfvi” adlı yazı dərc edilib.
Yazıda sərəncamla Novruz bayramı ərəfəsində 399 məhkumun əfv edilməsi öz əksini tapıb. Bundan başqa yazıda Gürcüstan, Rusiya, Çin, Hindistan, Kamerun, Nigeriya, Özbəkistan və digər ölkələrdən olan xarici məhkumların da əfv edildiyi bildirilir.
Şükrü Trabzonlu adlı türk məhkum da əfv edilənlər arasında olub.
Hikmət Həsənov
Ölkə.Az
