İsrailə hücuma hazırlaşan İran raket sistemi məhv edildi - VİDEO
İsrail hərbçiləri İranın Qum vilayəti yaxınlığında yerləşən ballistik raket buraxılış qurğusunun məhv edildiyini bildiriblər. Həmin obyektin İsrail ərazisinə zərbə endirməyə hazırlaşdığı qeyd olunub.
Ölkə.az xəbər verir ki, bu barədə İsrail Müdafiə Qüvvələrinin (SAXAL) mətbuat xidməti məlumat yayıb.
“İsrail Hərbi Hava Qüvvələrinin təyyarələri Qum bölgəsində yerləşən və İsrail istiqamətində raket buraxmağa hazır olan silahlı ballistik raket qurğusuna zərbə endirərək onu məhv edib. Bundan əlavə, İsfahanda hava hücumundan müdafiə sisteminə də zərbə endirilib”, — məlumatda bildirilir.
İsrail hərbçilərinin məlumatına görə, aviasiya İranın mərkəzi hissəsində yerləşən İsfahan şəhəri yaxınlığında da hava hücumundan müdafiə sisteminə zərbə endirib. Bildirilir ki, bu kompleks İsrail Hərbi Hava Qüvvələrinin təyyarələrinə qarşı istifadə olunmaq üçün nəzərdə tutulub.
Həmidə İbrahimova
