50 qırıcı Xameneiyə məxsus yeraltı kompleksə zərbə endirib - VİDEO
İsrail Hərbi Hava Qüvvələrinə məxsus 50 qırıcı təyyarə Tehranın mərkəzində yerləşən və İranın ali lideri Əli Xamenei üçün nəzərdə tutulmuş yeraltı bunkeri məhv edib.
Ölkə.Az xəbər verir ki, bu barədə İsrail Müdafiə Qüvvələri (IDF) məlumat yayıb.
Məlumata görə, bunker fövqəladə vəziyyətlərdə Xameneinin təhlükəsiz idarəetmə mərkəzi kimi istifadə olunmalı idi.
Ordunun mətbuat xidmətinin bildirdiyinə görə, ali ayətullah bundan əvvəl zərərsizləşdirilsə də, bunker daha sonra ölkənin yüksək vəzifəli rəsmiləri tərəfindən istifadə olunurdu.
Qeyd olunur ki, yeraltı kompleks paytaxtın mərkəzində bir neçə küçəni əhatə edir və çoxsaylı girişlərə, həmçinin iclas zallarına malik idi. Bu obyekt İran rəhbərliyinin ən mühüm hərbi-komanda mərkəzlərindən biri hesab olunurdu.
