Kreml açıqladı: Hakan Fidan Moskvada Cənubi Qafqaz və Mərkəzi Asiyanı müzakirə edəcək

Türkiyənin xarici işlər naziri Hakan Fidan  gələn həftə  Rusiyaya səfər edəcək.

Ölkə.az xəbər verir ki, bu barədə Rusiya XİN sözçüsü Mariya Zaxarova məlumat verib.
"Türkiyə xarici işlər naziri 15-17 iyun tarixlərində Moskvaya işgüzar səfər edəcək. Rusiya Xarici İşlər Nazirliyinin rəhbəri ilə danışıqlar, eləcə də digər ikitərəfli əlaqələr planlaşdırılır", - Zaxarova bildirib. 

Zaxarova əlavə edib ki, danışıqlarda Rusiya-Türkiyə münasibətlərinin müxtəlif sahələrdə inkişafı ilə bağlı əsaslı fikir mübadiləsi aparılacaq.

"Xarici işlər qurumlarının rəhbərləri beynəlxalq gündəmdəki əsas məsələləri, o cümlədən Yaxın Şərq, Qara dəniz regionu, Qafqaz, Mərkəzi Asiya və digər aktual mövzuları müzakirə edəcəklər", - o qeyd edib.
 

Mürtəza