Ermənistan parlamentinin ilk iclasını Həsənov açacaq

Ölkə.az xəbər verir ki, ənənəyə uyğun olaraq, toplantıya qanunverici orqanın ən yaşlı üzvü Knyaz Həsənov sədrlik edəcək.

1945-ci il təvəllüdlü K.Həsənov (Ermənistan kürd icmasının nümayəndəsi) milli azlıq kvotası çərçivəsində yenidən deputat seçilib və dördüncü dəfədir mandat qazanıb. O, 2017, 2018 və 2021-ci illərdə də parlamentə düşməyi bacarıb.

Qaydalara əsasən, prezident və bütün ermənilərin katolikosu yeni parlamentin ilk iclasında iştirak etməlidirlər. Lakin “Hraparak" nəşr bildirir ki, hakim “Vətəndaş Müqaviləsi” Partiyası erməni Apostol Kilsəsinin rəhbəri II Qaregini dəvət etmək niyyətində deyil.

Qeyd edək ki, iyunun 7-da Ermənistanda parlament seçkiləri keçirilib. Baş nazir Nikol Paşinyanın sədri olduğu “Vətəndaş Müqaviləsi” Partiyası seçkilərdə qalib gəlib.  

Konstitusiya Məhkəməsi 15 gün ərzində, iyulun 4-dək səsvermənin yekunları ilə bağlı qərar verməlidir.

Mürtəza