Tramp radikal islamla "soyuq müharibə" aparmağı təklif edir

Ölkə.Az Rusiya KİV-lərinə istinadən xəbər verir ki, Respublikaçılar Partiyasından ABŞ prezidentliyinə namizəd Donald Tramp radikal islamla mübarizə aparmaq üçün "soyuq müharibə"lərin təbliğat maşınından istifadə etməyi təklif edib.

"Biz kommunizm ideologiyasına təbliğat yolu ilə qələbə çaldıq. Azad bazar iqtisadiyyatının üstünlüklərini göstərdik. Eyni qaydada da radikal islam ideologiyası ilə mübarizə aparmalıyıq", deyə Tramp özünün Facebook səhifəsində yazıb.

Eyni zamanda Tramp bildirib ki, Hillari Klinton xeyriyyəçilik adı altında qeyri -ənənəvi oriyentasiyaya görə insanların edam edildikləri ölkələrdən milyonlarla dollar vəsait toplayıb.

"Mənim administrasiyam isə qadınlara qarşı zorakılığın, cinsi azlıqların və müxtəlif dini inanclara malik insanların sıxışdırılmasına qarşı çıxış edəcək",- deyə Tramp bildirib.

İlhamə
Ölkə.Az