Rusiya, İran və Türkiyə Moskvada Suriyanı müzakirə edəcək

Suriya problemi Rusiyanın paytaxtında müzakirə ediləcək.

Ölkə.Az xəbər verir ki, 20 dekabr tarixində Rusiya, İran və Türkiyənin xarici işlər nazirləri Moskvada görüşəcək. Görüşün məqsədi Suriya probleminin həlli yollarını axtarmaqdır.

Görüş barədə Rusiya dövlət başçısının Orta Şərq məsələləri üzrə xüsusi müşaviri və xarici işlər nazirinin müavini Mixail Boqdanov məlumat verib: "20 dekabr tarixində Moskvada üçtərəfli görüşlərin keçirilməsi planlaşdırılır. Rusiyanın xarici işlər naziri Sergey Lavrov türk və iranlı həmkərlarına zəng edib. Tərəflər təklifi müsbət dəyərləndiriblər".

Boqdanov eyni zamanda bildirib ki, Suriya mövzusu ilə əlaqədar üçtərəfli görüşlər keçirilməlidir. Problemin həlli üçün danışıqlar aparılmalı, atəşkəs əldə edilməli və tərəfləri problemlərin həlli üçün razılaşdırmaq lazımdır.

Hikmət
Ölkə.Az