Şamaxıda avtomobil dərəyə aşdı
Şamaxıda avtomobilin Məlhəm kəndinin girəcəyindəki məlumat lövhəsinə çırpılması nəticəsində xəsarət alan 4 nəfərdən 3-nün şəxsiyyəti məlum olub.
"Ölkə.Az" "Report"a istinadən xəbər verir ki, hadisə zamanı 1996-cı il təvəllüdlü Qobustan rayon Təklə kənd sakini Quliyev Elmar Eldəniz oğlu, 1996-cı il təvəllüdlü Qobustan rayon Təklə kənd sakini Alışov Samir Fuad oğlu, həmçinin Mustafayeva Pakizə Ədalət qızı və Şitayeva Tavat Mehman qızı xəsarət alıb.
Yaralılardan bir oğlan və iki qızın vəziyyəti ağırdır.
***
Şamaxıda yol-nəliyyat hadisəsi baş verib.
"Ölkə.Az" "Report"a istinadən xəbər verir ki, hadisə Şamaxı-Pirqulu yolunun Məlhəm kəndi yaxınlığındakı hissəsində qeydə alınıb.
Hərəkətdə olan "VAZ-21015" markalı avtomobil idarəetmədən çıxıb. Nəticədə avtomobil dərəyə yuvarlanıb. Hadisə nəticəsində şəxsiyyəti hələlik müəyyənləşdirilməyən 4 nəfər xəsarət alıb.
Ölkə.Az
