Avstraliyada 4.5 metr uzunluğunda timsah 57 yaşlı adamı öldürüb

Darvin şəhəri yaxınlığındakı Adelay çayında balıq ovlayan 57 yaşlı kişi dolaşan qarmağını düzəltmək üçün suya girdiyində timsahın hücumuna məruz qalıb

Adı çəkilməyən kişinin həyat yoldaşı hadisəni görmədiyini sadəcə səs eşitdiyini və arxasına çevrildikdə timsahın quyruğunu gördüyünü bildirib.

Bir neçə saatdan sonra kişinin cəsədi tapılıb, timsah isə polislər tərəfindən vurulmuşdu.

Yarı albinos olan öldürülən timsahın tez-tez gəmilərə hücum edən "Michael Jackson" adlı timsah olduğu düşünülür.

Qeyd edək ki, Avstraliyada 1971-ci ildə timsah ovunun qadağan edilməsindən sonra timsahların sayı çoxalıb.