Konte: “Qarabağ” Çempionlar Liqasının kəşfidir

Ölkə.Az xəbər verir ki, bu barədə "Corriere dello Sport" məlumat yayıb.

Konte deyib: "Qarabağ" Çempionlar Liqasında bir neçə önəmli oyun keçirdi. Bu oyun hər iki mərhələdə böyük səylər tələb edəcək. Biz matça mümkün qədər yaxşı hazırlaşmağa çalışacağıq. Bu, çox güclü komandadır və diqqətli olmalıyıq. Fərdi duel çox olacaq — həm biz təzyiq edəndə, həm də onlar. Bu duellərin qalibi olmaq bizdən asılı olacaq”.

Antonio Konte həmçinin Dieqo Maradonanı yada salaraq bildirib: “Sabah Maradonanın ölümünün ildönümüdür. Onun “Napoli” üçün nə demək olduğunu hamımız bilirik. Qələbəni ona həsr etmək əla olardı. “Qarabağ”ı Çempionlar Liqasının kəşfi adlandırmaq olar: nəticələrinə baxsaq — “Benfika” üzərində qələbə, “Çelsi” ilə heç-heçə. Onlarda legioner çoxdur, amma hamısı komandaya çox yaxşı inteqrasiya olunub. Temp yüksəkdir, oyunçuları keyfiyyətlidir. Sabah da yüksək intensivlik göstərəcəklər, bizə matçın əvvəlindən güclü enerji və konsentrasiya lazım olacaq. Mükəmməl oyun göstərməliyik”.

Leyla
Ölkə.Az