"Real"ın ulduzları Xabi Alonsodan narazıdır - Zidan gəlir?
Ölkə.Az "Cadena SER"ə istinadən xəbər verir ki, Alonso komandanın sükanı arxasında olduğuna görə, Vinisius Madrid klubu ilə müqaviləsini yeniləməkdən imtina edir. Futbolçu məşqçinin ona qarşı ədalətsiz davrandığını düşünür.
Valverde isə yarımmüdafiədə oynamaq istəyir, lakin Alonso onu mərkəz yarımmüdafiəçisi kimi görmür və onu sağ cinah müdafiəsində oynamağa üstünlük verir.
Bellinqhem Alonsonun sistemində öz yerini tapmayıb və o, ustalıq nümayiş etdirsə də, məşqçinin ondan maksimum yararlandığına inanmır.
Bu xəbərlərin fonunda "Real Madrid"in baş məşqçisi Xabi Alonsonun "Liverpul" klubunun diqqət mərkəzinə düşüb.
Mənbələrə əsasən, Xabi Alonso "Real Madrid"dən ayrılmağa hazırdır və özünü "Liverpul"un baş məşqçisi kimi görməyə müsbət yanaşır.
Alonso postunu tərk edəcəyi halda, "Real Madrid" rəhbərliyi Zinəddin Zidanını yenidən müvəqqəti baş məşqçi kimi komandanın önünə gətirməyi planlaşdıra bilər.
Bundan əlavə, Kral klubunun daha iki futbolçusu - Rodriqo və Endrikin də baş məşqçidən narazı qaldığı söylənilir.
"Real Madrid" İspaniya çempionatında ardıcıl iki matçda qalib gələ bilməyib. Komanda "Rayo Valyekano" (0:0) və "Elçe" (2:2) ilə heç-heçə edib.
