"Qarabağ" müdafiəni gücləndirmək niyyətindədir
Portuqaliya mətbuatı "Qarabag"ın Joao Qulartla maraqlanmaqda davam etdiyini iddia edir.
Ölkə.Az "SAPO" portalına istinadən xəbər verir ki, Portuqaliyanın "Kaza Piya" klubunun 26 yaşlı mərkəz müdafiəçisi ilə Ağdam təmsilçisindən başqa daha bir neçə klub da maraqlanır. Ötən ay Portuqaliya yüksək liqasında qalmağı təmin edən "Kaza Piya" rəhbərliyi Qulartın transferindən müəyyən məbləğ qazanmaq niyyətindədir və bu keçidə qarşı deyil.
Müdafiəçinin klubu ilə müqaviləsi növbəti mövsümün sonuna qədər qüvvədədir.
Qeyd edək ki, daha əvvəl Portuqaliya mətbuatı "Qarabag"ın digər yerli futbolçu - yarımmüdafiəçi Samuel Lobatu ilə müqavilə imzalamağa yaxın olduğunu yazmışdı.(Offsideplus.az)
