"Çelsi" "Atletiko"dan daha bir futbolçu aldı

İngiltərənin "Çelsi" klubu Madrid "Atletiko"sunun daha bir futbolçusunu rəsmən transfer edib.

Olke.az-ın klubun rəsmi saytına istinadən verdiyi məlumata görə, London təmsilçisi Dieqo Kostanın ardından Felipe Luisi də heyətinə qatıb.

Bu transfer "Atletiko"ya 25 milyon funt-sterlinq qazandırıb. Lakin 28 yaşlı müdafiəçi ilə neçə illik müqavilə imzalanması haqda məlumat verilməyib.

Qeyd edək ki, 2010-cu ildə "Deportivo"dan transfer edilən braziliyalı futbolçu meydana çıxdığı 127 oyunda cəmi iki qol vurub. 

Olke.az