Devalvasiya Azərbaycanda avtomobil parkını qocaldıb
Nazirlər Kabinetinin 94 saylı Qərarı ilə aprel ayının 28-dən etibarən yaşı 10 ildən çox olan minik avtomobillərinin Azərbaycan ərazisinə gətirilməsi qadağan ediləcək. Bu Qərar istər-istəməz diqqəti ölkədə avtomobil parkının yaşına yönəldir.
"Ölkə.Az" xəbər verir ki, bunu iqtisadçı ekspert Samir Əliyev deyib. O bildirib ki, yaşı 10-dan çox olan maşınların sayı və payı sürətlə artır:
"Xüsusilə də devalvasiya bu prosesə öz töhfəsini verib. Məsələn, 2014-cü ildə minik avtomobillərinin 62%-nin yaşı 10 ildən çox olduğu halda 2021-ci ildə 80,2%-ə, 2022-ci ildə 83,1%-ə yüksəlib. Yaşı 5 ildən az olan maşınların payı isə 17%-dən 4,7%-ə düşüb.
Ekspertin sözlərinə görə, devalvasiyadan əvvəl hər 6-cı avtomobil yeni olduğu halda 2021-ci ildə hər 21-ci avtomobil yeni olub. Hər 10 maşının 8-nin isə yaşı 10 ildən çoxdur.
"Avtobuslarda və yük maşınlarında vəziyyət daha acınacaqlıdır", - deyə S. Əliyev əlavə edib.
Könül
Ölkə.Az
