Sumqayıtın işıqlandırılmasına 1,6 milyon manat xərclənəcək

“Ölkə.Az” xəbər verir ki, tenderin qalibi “Interkabel” Firması olub.

Qalib təşkilatla 1,6 milyon manatlıq satınalma müqaviləsi imzalanıb.

Qeyd edək ki, Sumqayıt Küçə İşıqları Təsərrüfat Hesablı Xidmət Sahəsi tərəfindən elektrik materiallarının satınalınması ilə bağlı daha əvvəl də “Interkabel” Firması ilə tender müqavilələri bağlanıb. Belə ki, 01.09.2022 tarixində 1,238 mln manat, 06.03.2021 tarixində 296 min manat, 04.11.2020 tarixində 279 min manat, 11.09.2020 tarixində 293 min manat, 01.11.2019 tarixində 261 min manat məbləğində satınalma müqavilələri imzalanıb.

“Interkabel” Firması 16.09.1997 tarixində dövlət qeydiyyatına alınıb və qanuni təmsilçisi Molanov Yasin Xaoğlan oğludur. Nizamnamə kapitalı 20 manat olan şirkətin hüquqi ünvanı Bakı şəhəri Nərimanov rayonu, Nəcəf Nərimanov, ev 5A-dır.

Könül
Ölkə.Az