Mişustin Paşinyanla danışdı - Nələr müzakirə edilib?
Ölkə.az xəbər verir ki, bu barədə hökumətin Mətbuat xidməti məlumat yayıb.
Bildirilib ki, söhbət Ermənistan tərəfinin təşəbbüsü ilə baş tutub.
Telefon danışığında ticarət, iqtisadiyyat, elm, texnologiya və mədəniyyət sahələrində əməkdaşlığın cari məsələləri müzakirə olunub.
Xatırladaq ki, Rusiya ilə Ermənistan arasındakı münasibətlər, sonuncunun Avropa ilə daha sıx əlaqələr qurmağa çalışması səbəbindən pisləşib. May və iyun aylarında Rusiyanın Baytarlıq və Fitosanitar Nəzarət üzrə Federal Xidmət (“Rosselxoznadzor”) spirtli içkilər, meyvə-tərəvəz, mineral sular və balıq da daxil olmaqla bir çox Ermənistan məhsullarının idxalını məhdudlaşdırıb. Digər AİB ölkələrinə malların tranziti də dayandırılıb. Bu tədbirlərin təsirini azaltmaq üçün Avropa Komissiyası Ermənistana 34 milyon avro ayırıb. Rusiya Təhlükəsizlik Şurasının sədr müavini Dmitri Medvedev əmindir ki, Rusiya ilə mövcud əlaqələrin kəsilməsi qaçılmaz olaraq adi Ermənistan vətəndaşları üçün ağır nəticələrə səbəb olacaq.
Mürtəza
