Bakıda 83 yaşlı kişi 75 yaşlı arvadını öldürmək istəyib

"Ölkə.Az" xəbər verir ki, hadisə Yasasmal rayonu, Qızıl Şərq küçəsində qeydə alınıb.

Şəhər sakini, 1937-cü il təvəllüdlü Hüseyn Hacıyev həyat yoldaşı, 1945-ci il təvəllüdlü Solmaz Hacıyevaya çoxsaylı bıçaq xəsarətləri yetirib. Qadın ağır vəziyyətdə xəstəxanaya çatdırılıb. Həkimlərin səyi nəticəsində qadının həyatını xilas etmək mümkün olub.

Cinayəti törətməkdə şübhəli bilinən H.Hacıyev Yasamal Rayon Polis İdarəsinin əməkdaşları tərəfindən saxlanılıb.

İstintaqla müəyyən olunub ki, fevralın 22-si saat 8 radələrində Hüseyn Hacıyev yaşadığı evdə hamam otağının su qızdırıcısını yandırmaqla bağlı yaranmış mübahisəni bəhanə edib, həyat yoldaşı Solmaz Hacıyevanı öldürmək qərarına gəlib.

Bu məqsədlə mətbəx bıçaqı ilə qadının bədənini müxtəlif nahiyyələrinə 14 ədəd xəsarət yetirib.

Ağır bədən xəsarətləri alan 75 yaşlı qadın qaçaraq yaşadıqları binanın həyətinə düşüb.
Çağırılan Təcili Tibbi Yardım briqadasının köməkliyi ilə xəstəxanaya çatdırılan Solmaz Hacıyevanın həyatı xilas olunub.

Təqsirləndirilən şəxs qismində dindirilən Hüseyn Hacıyev ifadəsində bildirib ki, həyat yoldaşına bıçaqla xəsarətlər yetirsə də onu öldürmək fikri olmayıb.

Birinci arvadı 1987-ci ildə vafət etdikdə övladları balaca olub və o, yenidən evlənmək qərarına gəlib. 1989-cu ildə Solmazla ailə həyatı qurub. Son vaxtlar aralarında mübahisə yaransada onu vurmayıb.

2020-ci il fevralın 22-də hamam otağına keçib. Amma su qızdırıcısını yandırmaqda çətinlik çəkib. Buna görə arvadını yuxudan oyadıb qızdırıcını yandırmasını xahiş edib. Solmaz onu yuxudan oyatdığı üçün əsəbləşib və aralarında mübahisə başlayıb. Bu vaxtı Hüseyn Hacıyev özündə olmadığından mətbəxdən bıçaqını götürüb yoldaşına xəsarətlər yetirib.

Daha sonra isə polis əməkdaşları tərəfindən həmin gün saxlanılıb.

Zərərçəkmiş Solmaz Hacıyeva ifadəsində göstərib ki, hadisədən 1 il əvvəl həyat yoldaşında yaddaş pozğunluğu, əsəbilik və qısqanmaq kimi hallar yaranıb. Bu səbəbdən Hikməti həkimədə aparıb.

Hadisə baş verən günü əri hamamda su qızdırıcısını yandırmasını deyəndə etiraz etmədən xahişini yerinə yetirib. Geri çevriləndə Hüseyn əlində bıçaqla üstünə gəlib və ona xəsarətlər yetirib.

Hüseyn Hacıyevin CM-nin 29.120.1-ci (qəsdən adam öldüməyə cəhd) maddəsi ilə ittiham edilib.

Sonda məhkəmənin hökmü ilə Hüseyn Hacıyev zərərçəkmişlə barışıq əldə etməsi, yaşlı və əməlindən peşman olması nəzərə alınaraq 7 il 10 ay müddətinə azadlıqdan məhrum edilib.

Ölkə.Az