Firuzə İbadova polisə şikayət elədi, Orxan cavab verdi

Mərhum xalq artisti İlhamə Quliyevanın oğlu Orxan Nadirov əməkdar artist Firuzə İbadovanın onun barəsində Respublikanın Baş Prokuroru Zakir Qaralova və Daxili İşlər Naziri Ramil Usubova müraciət etməsinə münasibət bildirib.

Nadirov Ölkə.Az-a açıqlamasında İbadovadan pul almadığını söyləyib:

"O pul mənə verilməyib, Vüqar Bəkirova verilib, bu məsələyə qarışacağım yoxdur. Mən də rəsmi şəkildə günahsız olduğumu sübut edəcəyəm. Əlimdə faktlarım var. Vüqar o pulu alıb verdiyi adamı da tapmışam. Xahiş etmişəm ki, danışıqları mənə göndərsin, qoyacağam istintaqın qarşısına".

Xatırladaq ki, Firuzə İbadova lent.az-a açıqlamasında Orxan Nadirov barəsində daxili işlər naziri və baş prokurora müraciət etdiyini, şikayət ərizəsi yazdığını söyləyib.

İntiqam VALEHOĞLU
Ölkə.Az