Dünən nazir təyin olunmuşdu, bu gün işdən çıxarılıb?
Xəbər verdiyimiz kimi, ötən gün Kazım Hüseynəliyev Naxçıvan Muxtar Respublikasında iqtisadiyyat naziri təyin edilib.
Bakupost.az iddia edib ki, Kazım Hüseynəliyevin nazir vəzifəsinin ömrü cəmi bir gün çəkib.
"Belə ki, Muxtar Respublika rəhbərliyinin bu təyinatdan narazı qaldığı və onun ləğvi barədə göstəriş verdiyi bildirilir. Qeyd olunur ki, Kazım Hüseynəliyevin nazir təyinatı ilə bağlı qərar da rəsmi resurslardan götürülüb", - deyə mətbu orqanı qeyd edib.
Sayt Naxçıvan Ali Məclisinin https://alimajlis.gov.az/ saytının sərəncam, fərman və qərarlar bölmələrində Kazım Hüseynəliyevin nazir təyinatı ilə bağlı heç bir məlumatın mövcud olmadığını əsas gətirib. Bildirilib ki, Buradakı əksər sənədlər aprel ayına aiddir.
