İranlıları qanunsuz azadlıqdan məhrum edənlərin məhkəməsi başlayır

2 iranlını qanunsuz olaraq azadlıqdan məhrum edən turizm şirkətinin əməkdaşlarının məhkəməsi başlayıb.

“Ölkə.Az”a verilən məlumata görə, aprel ayının 5-də Nəsimi rayon məhkəməsinin hakimi Elman İsayevin sədrliyi ilə cinayət məcəlləsinin 145.2.1-ci (İki və ya daha çox şəxsi qanunsuz azadlıqdan məhrum etmə) maddəsi ilə təqsirləndirilən Musayev Cəfər Fərhad oğlu və İsrafilov Elvin İlqar oğlunun məhkəmə prsosesi keçiriləcək. Qeyd edək ki, cinayət işi araşdırılan zaman İran vətəndaşları olan-Shahmoradi Alireza Goodraz və Rashidi Monsen Nader zərərçəkmiş qismində tanınıblar.

Xatırladaq ki, ötən ilin avqustun 11-də Nəsimi rayonu ərazisindəki turizm şirkətlərindən birinə gələn 2 nəfər orada işləyən iki əcnəbi vətəndaşın əl-qolunu yapışqanlı lentlə bağlayaraq bıçaqla qorxutmaqla 15000 manat pul vermələrini tələb edib, tələb etdikləri məbləğ olmadığından 3 ədəd mobil telefonu götürərək ofisin qapısını bağlayıb gediblər.

Məlumata görə, hadisəni törədən Bakı şəhər sakini Elvin İsrafilov və Sumqayıt şəhər sakini Cəfər Musayev könüllü olaraq Nəsimi Rayon Polis İdarəsinin 22-ci Polis Bölməsinə gəliblər. E.İsrafilov və C.Musayev adları açıqlanmayan əcnəbilərin həmin şirkətin səyahət paketini almaq üçün onlardan 1500 ABŞ dolları alaraq vədlərinə əməl etmədiklərini bildiriblər.