Putin Aman Tuleyevin istefasını qəbul edib

"Ölkə.Az" xəbər verir ki, bu barədə "Ria Novosti" məlumat yayıb.

Kemerovo vilayətinin qubernatoru vəzifəsi müvəqqəti olaraq vitse-qubernator Sergey Çivilevə tapşırılıb.

***

Rusiyanın Kemerovo vilayətinin qubernatoru Aman Tuleyev öz istəyi ilə postunu tərk edir.

“Ölkə.Az” xəbər verir ki, bu barədə regional administrasiyadan məlumat verilib.

"Kemerovo vilayətinin qubernatoru Aman Tuleyev öz istəyi ilə vəzifəsindən istefa vermək haqqında ərizə ilə Rusiya prezidenti Vladimir Putinə müraciət edib", - deyə administrasiyasının mətbuat xidməti bildirib.

Qeyd edək ki, 73 yaşındakı Aman Tuleyev 1980-ci illərin sonlarında siyasətə gəlib. 1997-ci ildən Kemerovo vilayətinə rəhbərlik edir və 93.5-96.69% səslə dörd dəfə də bölgənin qubernatoru seçilib. Son qubernatorluq müddəti 2020-ci ildə başa çatacaq.

Bildirək ki, qubernatorun istefa verməsinin səbəbi martın 25-də Kemerovonun "Zimnaya vişnya" ticarət mərkəzində baş verən yanğın nəticəsində 41-i uşaq olmaqla, 64 nəfərin həlak olmasıdır.

Ölkə.Az