ABŞ: Əsəd ən azı 50 dəfə kimyəvi silahdan istifadə edib
Rusiyanın təklifi ilə BMT Təhlükəsizlik Şurasında Suriyadakı hadisələr müzakirə edilir.
“Ölkə.Az” xəbər verir ki, BMT Baş Katibi Antonio Quterreş iclasda çıxış edib. O, bildirib ki, bütün ölkələr bu məsələdə məsuliyyətli davranmalıdır.
“BMT-də dalana dirənən proseslər böyük münaqişəyə səbəb ola bilər”, - deyə Quterreş vurğulayıb.
Rusiyanın BMT-dəki daimi nümayəndəsi isə ABŞ, Böyük Britaniya və Fransanı tənqid edib. O, bu dövlətlərin sadəcə Suriya hökumətini devirmək və Rusiyanı zəbt etmək istədiklərini bildirib.
ABŞ-ın BMT-dəki daimi nümayəndəsi Nikki Haley isə Suriya müharibəsi dövründə Əsədin 50 dəfə kimyəvi silahdan istifadə etdiyini təxmin etdiklərini bildirib.
“Əsədin kimyəvi silah istifadəsini normallaşdırmasına icazə versək, bu bütün dövlətlərə zərər verəcə”, deyə Haley qeyd edib.
Ölkə.Az
