6,5 mindən çox döyüşçü Suriyanın Şərqi Quta bölgəsini tərk edib
Humanitar əməliyyatlar başlayandan bu yana Suriyanın Şərqi Quta bölgəsindən 6,5 mindən çox döyüşçü və onların ailələri çıxıb.
"Ölkə.Az" xəbər verir ki, bu barədə Suriyada müharibə aparan tərəfləri barışdırmaq üçün yaradılan Rusiya mərkəzinin rəisi, general mayor Yuriy Yevtuşenko məlumat verib.
O, Şərqi Qutada vəziyyətin normallaşdığını qeyd edib.
"Duma şəhərində hazırda döyüşlər səngiyib. 410 yerli sakin artıq evlərinə qayıdıb. Lakin Suriyada hərbi əməliyyatların dayandırılmasına baxmayaraq, İran-Rusiya-Türkiyə koordinasiya mərkəzi gün ərzində İdlib, Lazkiyə, Hama və Dera bölgələrində bir çox qanun pozuntusu halları aşkarlayıb. Son sutka ərzində daha 3508 döyüşçü humanitar dəhliz vasitəsilə ərazidən uzaqlaşıb ", - deyə Yevtuşenko qeyd edib.
Ölkə.Az
