''Virus öz-özünə yox olarsa peyvəndə ehtiyac qalmaz''
ABŞ prezidenti Donald Tramp koronavirusla bağlı açıqlama verib.
''Ölkə.Az'' xəbər verir ki, Tramp biznesmenlərlə ölkə iqtisadiyyatı barədə olan iclasından sonra açıqlama verib. O virus öz-özünə yox olarsa peyvəndə ehtiyac qalmayacağını deyib. Ağ evdə iş adamları ilə iclas keçirən Tramp koronavirusa görə evindən çıxmadığını da deyib. Açıqlamasında ''Ağ ev dünyanın ən gözəl evidir. Ancaq yenə də evimdən çıxmaq istəyirəm. Ümid edirəm ki ölkə tez bir zamanda əvvəlki günlərinə geri qayıdar. Virus yox olarsa peyvənd tapmağa ehtiyac qalmaz. Lakin əgər tapılarsa bu böyük uğur olaraq həqiqətən də. Onsuz da bu virus bir gün tamamilə yox olacaq'' sözlərini deyib. Donald Tramp eyni zamanda gələn həftədən səyahətlərinə davam edəcəyini də bildirib. Prezidentin ilk səfəri Arizona ştatına olacaq.
Ölkə.Az
