Putin: “Qarabağ məsələsində əldə olunan razılaşmalar ardıcıllıqla icra olunur”
“Ölkə.Az” TASS-a istinadən xəbər verir ki, bunu RF Prezidenti Vladimir Putin “Davos həftəsi”ndə çıxışızamanı deyib.
Putinin sözlərinə görə, Moskva Dağlıq Qarabağda hərbi münaqişənin dayandırılması istiqamətində fəal vasitəçilik missiyasını həyata keçirib. “Məlum oldu kimi noyabrda Azərbaycan, Rusiya və Ermənistan arasında üçtərəfli bəyanat imzalanıb. Vacib məqam ondan ibarətdir ki, həmin bəyanat ardıcıllıqla icra olunmaqdadır”- Putin qeyd edib.
O əlavə edib ki, bunun nəticəsində qan axıdılması dayanıb və bu tamamilə atəşkəsin təmin olunması və sabitliyin bərpa olunma prosesinin başlanması üşüm ən başlıca məsələdir. “ Biz bu zaman ATƏT-in Minsk Qrupunda, xüsusən həmsədrlər - Rusiya, ABŞ və Fransa arasında əldə olunmuş razılaşmaların əsas götürməyə çalışdıq.Odur ki, beynəlxalq ictimaiyyətin, heç şübhəsiz ki, münaqişənin həllində iştirak edən ölkələrin qarşısında ziyan dəyən rayonlara yardım etmək, geri qayıdan qaçqınların humanitar problemlərinin həllinə, dağıdılmış infrastrukturun bərpasına, o cümlədən tarixi, dini və mədəni abidələrin qorunması və bərpası kimi vəzifələr dayanır”.
Mürtəza
Ölkə.Az
