Yupiter Yerə yaxınlaşır: "Təbii fəalakətlər, tektonik hadisələr... təhlükə realdır"
Avqustun 20-dən Yupiter planeti Yer kürəsinə yaxınlaşacaq. Yaxınlaşma avqustun 20-də gecə saatlarında baş verəcək. Bununla da planetlərin növbəti “paradı” baş tutacaq. Planetlərin bu qarşılıqlı düzülüşünə müxalif düzülüş də deyilir.
Planetimizə yaxınlaşan qaz nəhəngi, günəş şüaları ilə yaxşı işıqlandırılacaq və 2 avqust 2021 -ci ildə Saturndan daha parlaq parlayan nəhəng bir "ulduz" la gecə səmasında parlayacaq.
Digər planetlərin Yer kürəsinə yaxınlaşması zamanı bir çox hallarda qeyri-adi hadisələrlə müşayiət olunur. Planetlərin müxalif düzülüşü və onların “paradı”nın mistik cəhətdən də yozumları mövcuddur.
“Ölkə.Az” nüfuzlu xarici nəşrin bununla bağlı mülahizəsini təqdim edir:
Planetlərin ötən ilki “paradı” ərəfəsində də astroloqlar dünyada böyük siyasi və iqtisadi dəyişikliklərin, eləcə də elmi, texnoloji cəhətdən nailiyyətlərin baş verəcəyini proqnozlaşdırırdılar. Astroloqların proqnozlaşdırdığı bir çox hadisələr baş verdi. Buna Talibanın Əfqanıstandakı fəaliyyətini, milyarderlərin şəxsi hava gəmiləri ilə kosmosa uçuşlarını misal çəkmək olar. Baş verən hadisələr dünya ictimaiyyətini təəccübləndirdi.
Kim bilir, bəlkə də 20 avqustda baş tutacaq və bibər adını alan “parad” daha başqa əhəmiyyətli hadisələrə səbəb olacaq. Fiziki nöqteyi nəzərdən, “planetlərin paradı” nəticəsində tam olmasa da, nəzərəçarpacaq dərəcədə Yerdəki vəziyyətin daha da ağırlaşmasına səbəb ola bilər. Çünki “paradda” Yupiter və Saturna daha iki qaz nəhəngi olan Uran və Neptun da “qatılacaq”. Venera isə sonda “parada” qatılacaq.
Əksər planetlərin “paradda” iştirakı cazibə qüvvəsi nəticəsində Yer kürəsində bəzi tektonik proseslərin baş verməsinə səbəb ola bilər və belə bir təhlükə qaçılmazdır. Çünki bu vəziyyətdə Yupiter, Saturn Yer kürəsini bir istiqamətə, Uran və Neptun əks istiqamətə, Venera tamam başqa səmtə çəkəcək. Planetlərin Yer kürəsini müxtəlif tərəflərə çəkməsi isə təbii fəlakətlər, tektonik hadisələrin yaranmasına səbəb olur. Bu təhlükə realdır.
Astroloq Yelizaveta Nebesnaya hesab edir ki, bu çətin bir dövrdür, amma bu bizim üçün sonsuz imkanlar açır. Məhz belə bir məqamda insan üçün ağrılı-acılardan, geriyə aparan vədlərdən və əlaqələrdən qurtulmaq şansı yaranır. Burada ya verdiyin vədi yerinə yetirə bilmədiyini etiraf edib hər şeydən imtina edirsən, ya da ən çətin olan ikinci yolu seçib vədini yerinə yetirirsən. Bu isə daha çox məmnunluq gətirəcək.
Astroloq bildirib ki, insan olaraq hər birimizin çoxsaylı məqsədləri və istəkləri var:
“O baxımdan da Günəş və Yupiterin qarşı-qarşıya gəldiyi zaman, onların həyata keçməsi üçün əlverişli bir şərait yaranır. Əsas odur ki, bütün bunlar üçün kifayət qədər gücünüz olsun.
İndi hamımız müəyyən bir bərpa mərhələsindəyik. Liderlik keyfiyyətləri, fəaliyyət üçün bir “susuzluq”, yüksək hədəflərin fəthi, dəyişikliklər içimizdə baş qaldıırır və sair. Unutmayın ki, hər şey mümkündür. Amma bu zaman hadisələrə real yanaşmalısını, daha rəngli eynəklərdən baxmamalısınız. Hadisəyə real yanaşıb, ciddi addım atmaq sonda sizi istəyinizə götürəcək”.
Qeyd: Günəş və Yupiter arasındakı qarşıdurma zamanı mənfi cəhətlər güclənir, travma, qəza, fəlakət riski artır .
Bunu nəzərə alıb diqqətinizi ikiqat artırmamalısınız ki, hər hansı təhlükə ilə üzləşməyəsiniz.
Təbii ki, bu zaman emosionallığın yaratdığı qeyri-stabilliyi də unutmayaq. Əhvalınız gündə bir neçə dəfə dəyişə bilər. Ona görə də kiçik mübahisələrdən, işdə və ailədə dərin qarşıdurmalardan çəkinin.
Bizə yaxın olanlara elə gəlir ki, onlara kifayət qədər diqqətli deyilik, istəklərinə məhəl qoymuruq və ümumiyyətlə yalnız özümüz üçün yaşayırıq. Ancaq bütün bunlar keçəcək. Buna isə vaxt lazımdır və siz də vaxt verin.
Hazırladı Mürtəza
Ölkə.Az
