Qadın 3 gün əvvəl evləndiyi ərini öldürdüxa0

“Ölkə.Az” Türkiyə mətbuatına istinadən xəbər verir ki, 3 günlük evli olan Zeynəb Yonca Sönməz ilə həyat yoldaşı Məhəmməd Sönməz arasında naməlum səbəbdən mübahisə yaranıb. Daha sonra mübahisə davaya çevrilib. Dava zamanı Məhəmməd Sönməz bıçaq xəsarəti alıb.

Hadisə yerinə gələn polis və təcili tibbi yardım həkimlərinin köməkliyi ilə xəstəxanaya çatdırılan yaralının həyatını xilas etmək mümkün olmayıb.

Cinayəti törətməkdə şübhəli bilinən məhrumun həyat yoldaşı Zeynəb Sönməz ifadəsində ərini öldürmədiyini bildirib:

“Mübahisə düşdü aramızda mən evdən çıxıb getmək istədim. Bu vaxt Məhəmməd bıçağı sinəsinə tutub “sən evdən çıxıb getsən özümü öldürəcəm” dedi və bıçaqı sinəsinə sancdı”.

Bu ifadəsindən sonra Zeynəb Sönməz sərbəst buraxılıb.

Amma aparılan araşdırmalardan sonra qadın qətli törətməkdə şübhəli bilinərək yenidən saxlanılıb.

Ölkə.Az