Qətlə yetirilən bələdiyyə sədri haqda yeni
Bu gecə qətlə yetirilən Abşeron rayon Saray bələdiyyəsinin sədri Vəsilə Əbilhəsənova ilə bağlı bəzi məlumat əldə etmişik.
Ölkə.Az xəbər verir ki, V.Əbilhəsənova bələdiyyə sədri olmaqla yanaşı, Sumqayıt Dövlət Universitetinin filologiya fakultəsinin müəllimi imiş. Bu gün həm də Əbilhəsənovanın doğum günüdür.
Qeyd edək ki, xeberle.com saytı bu barədə xəbər yayıb. Xəbərdə qeyd olunur ki, sədr Saray qəsəbəsindəki evində qətlə yetirilib. Belə ki, qatillər onun başını kəsib, həyat yoldaşının isə güllə ilə ürəyindən vurublar. Üstəlik, izi itirmək üçün evi yandırıblar. Hazırda mərhumların meyitləri Sumqayıt şəhər 1 saylı təcili tibbi yardım xəstəxanısının morqundadır.
Xatırladaq ki, Əbilhəsənova bu ilin yanvarın 27-dən bələdiyyə sədri kimi fəaliyyət göstərirdi.
İntiqam VALEHOĞLU
Ölkə.Az
