Salyanda ər arvadının sümüklərini sındırdı

"Ölkə.Az" xəbər verir ki, cinayət işinin materialları baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Cəlil Nəbiyevin icraatına verilib.

İş üzrə məhkəmə hazırlıq iclası martın 13-nə təyin olunub. 

Qeyd edək ki, Salyan rayonu Qarabağlı kənd sakini Fərqanə Bayramova ağır bədən xəsarətləri ilə xəstəxanaya daxil olub.

Araşdırmalar zamanı gənc qadının əri Elnur Qurbanov tərəfindən vəhşicəsinə döyülməsi, müxtəlif ağır xəsarətlər alması, habelə sümüklərinin qırılması müəyyən edilib.

Faktla bağlı Salyan rayon Polis Şöbəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə iş açılıb, hadisəni törədən şəxs saxlanılıb.