Dostunu qonaqlıq adı ilə evdən çıxarıb güllələdi - Məhkəməsi başlayır
Ağcabədidə dostunu qətlə yetirməkdə təqsirləndirilən Məharət Nuriyevin barəsində olan cinayət işi üzrə ibtidai istintaq başa çatıb.
"Ölkə.Az" xəbər verir ki, təqsirləndirilən şəxs barəsində toplanan cinayət işi materialları baxılması üçün Lənkəran Ağır Cinayətlər Məhkəməsinə göndərilib.
Cinayət işi hakim Müşfiq Məmmədovun icraatına verilib.
İş üzrə məhkəmə hazırlıq iclası martın 9-na təyin olunub.
Qeyd edək ki, hadisə ötən il rayonun Kəhrizli kəndində qeydə baş verib.
Kənd sakini 34 yaşlı Nuriyev Məharət Məhəmməd oğlu 1985-ci il təvəllüdlü Həsənov Rahib Zakir oğlunu qonaqlıq adı ilə evindən çıxararaq aparıb və odlu silahla öldürüb.
Hadisə şahidlərinin sözlərinə görə, M.Nuriyev həmkəndlisini öldürdükdən sonra rayon polis şöbəsinə gələrək təslim olub.
O, Cinayət Məcəlləsinin 120.1-ci (Qəsdən adam öldürmə) maddəsi ilə ittiham olunur.
