Tələbin bərpa olunacağı ilə bağlı proqnozlar nefti bahalaşdırdı
Neft qiymətləri ABŞ Federal Ehtiyatlar Sisteminin faiz dərəcələrini artırılması ilə bağlı olaraq əvvəlki sessiyada 2% endikdən sonra cümə günü yenidən yüksəlib.
"Ölkə.Az" xəbər verir, "Brent" markalı neft fyuçersləri 0,36 dollar və ya 0,4% artaraq 1 barel üçün 81,57 dollar olub. Qərbi Texas (WT) neftinin fyuçerslərinin dəyəri 0,25 dollar və ya 0,3% artaraq 76,36 dollar/barelə çatıb.
Hər iki göstərici həftəni 7%-dən çox yüksəlişlə başa vurmağa hazırlaşır.
Beynəlxalq Enerji Agentliyinin gələn il Çinin neftə tələbatının bərpa olunacağına dair proqnozları qiymətlərin yüksəlməsinə dəstək göstərib. Həmçinin agentlik 2023-cü ildə neft tələbatının artım proqnozunu sutkada 1,7 milyon barelə yüksəldib.
Bununla bərabər "OPEC" son hesabatında bu il 2,55 milyon barel və 2023-cü ildə 2,25 milyon barel qlobal neft tələbi artımı ilə bağlı proqnozlarını saxlayıb.
Könül
Ölkə.Az
