Zəif dollar nefti bahalaşdırıb
Çərşənbə axşamı neft qiymətlərində artım müşahidə olunub.
"Ölkə.Az" xəbər verir ki, "Brent" markalı neftin fyuçerslərinin dəyəri 0,24 dollar və ya 0,3% artaraq bir barel üçün 80,04 dollar olub.
ABŞ-ın Qərbi Texas (WTI) xam neft fyuçersləri isə 0,49 dollar və ya 0,7% bahalaşaraq bareli 75,68 dollara çatıb.
Neft qiymətləri ABŞ-ın ötən həftə elan etdiyi Strateji Neft Ehtiyatı üçün 3 milyon barelə qədər neft almaq planı ilə yüksəldilib.
Zəif dollar da neft qiymətlərini dəstəkləyib və nefti digər valyutalara sahib olanlar üçün ucuzlaşdırıb.
Bununla belə, analitiklər qiymətlərin daha da yüksəlməsi üçün artan tələbin aydın əlamətlərinə ehtiyac olduğunu bildiriblər.
Könül
Ölkə.Az
