İSO sertifikatları Report İnformasiya Agentliyinin beynəlxalq arenaya çıxışını asanlaşdıracaq
"Ölkə.Az" xəbər verir ki, bunu Report İnformasiya Agentliyinin direktoru Fuad Hüseynəliyev “Global Media Group” MMC-nin tərkibində olan şirkətlər - “Report” İnformasiya Agentliyi, “Oxu.Az” xəbər saytı, “Baku TV” yayım portalı və “Global Management” MMC-nin ISO-9001, ISO-14001 və ISO-45001 sertifikatlarına layiq görülməsi ilə bağlı keçirilən təqdimat mərasimində deyib..
O bildirib ki, agentliyin xəbərləri onsuzda digər beynəlxalq agenliklər tərəfindən istinad olunur. Lakin bu, beynəlxalq arenaya çıxışı daha da asanlaşdıracaq:
"Digər tərəfdən sertifikatların alınması Report-un artıq bütün beynəlxalq standartlara uyğun fəaliyyət göstərməsinin təsdiqidir".
"Həmçinin bu, ilk dövbədə işçilərin əməyinin təşkili, bizim xəbərlərin keyfiyyətinə qarantiya olmasına zəmanətdir. Bu, bizim üzərimizə əlavə bir məsuliyyət də qoyur, lakin inanıram ki, biz bu məsuliyyətin altından uğurla çıxacağıq", - deyə F. Hüseynəliyev əlavə edib.
Könül
Ölkə.Az
