Bu müavinətlər elektron pul kisəsi üzərindən ödəniləcək
Məcburi dövlət sosial sığorta haqqı hesabına verilən müavinatların elektron pul kisəsi üzərindən ödənilməsi ilə bağlı işlər aparılır və ödəniş təşkilatları ilə müzakirələr aparılır.
"Ölkə.Az" xəbər verir ki, bu barədə Nazirliyin tabeliyindəki DOST Rəqəmsal İnnovasiyalar Mərkəzinin (DOST RİM) direktoru Kənan Əkpərov sosial sahədə elektronlaşma proqramının icrası ilə bağlı 2022-ci il üzrə görülən işlər və qurumun hədəflərinə dair keçirdiyi mətbuat konfransında məlumat verib.
O bildirib ki, burda ödənişlərin vətəndaşların elektron pul kisəsinə ödənilməsi nəzərdə tutulub:
"Hazırda birdəfəlik ödənişlər poçt və ya banklar vasitəsilə aparılır. Vətəndaş poçt və ya banka şəxsiyyət vəsiqəsilə yaxınlaşaraq ödənişləri edir. Yeniliklə isə elektron pul kisəsinə keçid nəzərdə tutulur ki, vətəndaşlar banka və ya poçta getmək məcburiyyətində qalmasın və yüklənmiş vəsaitdən birbaşaş elektron formada istifadə edə bilsinlər".
Könül
Ölkə.az
