Avropa Bankı Azərbaycanda bu layihəyə 300 min dollar ayırdı
"IT HUB Azerbaijan" layihəsinin reallaşmasına Avropa Yenidənqurma və İnkişaf Bankı (EBRD) tərəfindən 300 min dollar ayrılacaq.
Bunu "Ölkə.Az"a açıqlamasında Bankın Bakı ofisinin rəhbəri Kamola Mahmudova deyib.
O bildirib ki, layihəyə 80 iştirakçının cəlbi nəzərdə tutulub: "Bunların 50%-i Naxçıvanın, 50%-i isə digər regionların payına düşür.
EBRD nümayəndəsi belə bir layihənin Bakı şəhərində də həyata keçirilib-keçirilməyəcəyinin layihə başa çatdıqdan sonra məlum olacağını deyib.
Qeyd edək ki, Azərbaycanda Dördüncü Sənaye İnqilabının Təhlili və Koordinasiya Mərkəzi (4SİM), Avropa Yenidənqurma və İnkişaf Bankı (AYİB) və “StrategEast” müəssisəsinin birgə əməkdaşlığı ilə “IT Hub Azerbaijan” layihəsinə start verilib.
Könül
Ölkə.Az
