"Azəri Mərkəzi Şərqi" layihəsinə 3 milyard dollara yaxın pul ayrılıb
Xəzər dənizinin Azərbaycan sektorunda yerləşən "Azəri-Çıraq-Günəşli" neft-qaz yataqları blokunun işlənməsi çərçivəsində həyata keçirilən "Azəri Mərkəzi Şərqi" layihəsinə (ACE) indiyə qədər 2,9 milyard ABŞ dolları vəsait ayrılıb.
"Ölkə.Az" Report-a istinadən xəbər verir ki, bunu layihənin mexaniki təhvil üzrə rəhbəri Şükür Sadıxov bildirib.
"Layihənin ümumi dəyəri isə 6 milyard dollardır. Layihə çərçivəsində işin 85%-i tamamlanıb və heç bir xəsarətə yol vermədən 25 milyon saat iş görülüb. Burada ilk neftin hasilatı 2024-cü ilin I rübünə nəzərdə tutulur", - deyə o qeyd edib.
