Deputat: Eyni dərman Azərbaycanda Türkiyədən kəskin bahadır

"Ölkə.Az" xəbər verir ki, bunu iqtisadsçı deputat Vüqar bayramov deyib. O bilirib ki, dərman idxalında son illər artımların əsas səbəbləri idxal inflyasiyası ilə yanaşı COVID-19 pandemiyası dövründə tələbin yüksəlməsi olsa da, postpandemiya dövründə də idxalın həcmində artımlar müşahidə edilməkdədir:

"Dərman vasitələrinin 20%-dən çoxunu Türkiyədən idxal edirik. İllik idxalımız qardaş ölkədən 80 milyon dollardan çoxdur. Amma bununla belə, Azərbaycanda eyni dərman Türkiyə ilə müqayisədə kəskin bahadır. Azərbaycanda dərmanların qiymətlərinin optimallaşdırılması və əlçatanlığının artırılması çox vacibdir". 

Millət vəkilinin sözlərinə görə, dərman idxalında Almaniya, Rusiya, Hindistan və İtaliya xüsusi paya malikdir. Həm dərman vasitələrinin qiymətinin aşağı salınması, həm də idxaldan asılılığın azaldılması üçün yerli istehsalın stimullaşdırılması çox vacibdir.

"Digər vacib məsələ qiymət siyasətinin təkmilləşdirilməsidir. Tarif Şurası tərəfindən həyata keçirilən qiymət siyasətinin təkmilləşdirilməsi həm də sahibkarlıq fəaliyyətinin bu sahədə genişləndirilməsi baxımından vacibdir. Bu sahədə bürokratik əngəllərin aradan qaldırılmasına ehtiyac var", - deyə V. Bayramov əlavə edib.

Könül
Ölkə.Az