Azərbaycanlı alimdənxa0Nadir Şah barədə uydurma ittihamlara cavab

Ölkə.Az xəbər verir ki, bu barədə dosent Zaur Əliyev paylaşım edib. O, guya Nadir Şahın döyüşdən qaçması ilə bağlı ittihamlara belə cavab verib:

“Birinci Nadir Şah dünyanın elə güclü sərkərdəsi olub ki, ona məğlub etmək qeyri-mümkün idi. Onun qorxusundan 100 il ərzində Rus imperiyası Şərqə tərəf baxmağa qorxub. Hindistan kimi böyük coğrafiyanı və ona gələn bütün yollarda olan dövlətləri nəzarətə alan Nadir Şaha Dağıstanda kim qalib gələ bilərdi ?
Nadir Şah Hindistana daxil olanda yerli racalardan biri ondan soruşur ki, sənə qılınc batmır. Niyə? Nadir şah ona deyir ki, götür əlinə ən iti bizi, batır ayağıma. Adam nə qədər batırır, batmır. Nadir Şah gülərək "at belində doğulan türkmana heç bir qılınc bata bilməz, bizim ömrümüz at üstündə döyüşlərdə keçib" deyir.
Bu cür əfsanə sərkərdəyə kiçik bir yerdə kim qalib gələ bilər?
Şahın qardaşı kiçik dəstə ilə sadəcə dağlıq yerdə döyüşə bilməyib geri çəkilibsə, bu məğlub olmaq demək deyil ki?”

Z.Əliyev Dağıstandakı yerli xalqlarla Nadir Şahın arasındakı münasibətləri əks etdirən 3 fakt da təqdim edib:

“1. Bu Dərbənd şəhərində yerləşən ən qədim ağacıdır. Rusiya Federasiyasının qanunlarla qoruduğu bu ağaca sovet dövründə “İsgəndər ağacı” deyirdilər. Reallıq budur ki, Nadir Şah Dərbəndə gələndə bura və əhalisi o qədər onun ürəyincə olub ki, öz əlləri ilə bu ağacı əkib və ailəsini gətirib bu ağacın yanında alaçıq qurub bir müddət yaşayıb. Yerli xalqların qonaqpərvərliyi və igidliyi onun xoşuna gəlirdi.

2. Bu dünyanın ən böyük Quran kitablarından biridir. Nadir Şah Dağıstandan qayıdıb öz sarayına gələndə yerli xalqlara və ağsaqqallara saysız hesabsız hədiyyələr göndərib. Onların içində balaca qızıl qabda Quran olub. Dağıstanın ən hörmətli kişiləri hədiyyələri gətirənə deyib ki, bütün müsəlmanların hamisi olan Şah bizə bu balaca Quranı göndərib? Bu xəbər Şaha çatanda o imperiyanın ərazisində olan XII əsrə aid ən böyük Quranı Dağıstan ağsaqqallarına hədiyyə göndərir. Bu kitab hazırda Dağıstanda arxivdə saxlanılır.

3. Nadir Şahın qiymətli hədiyyələr içərisində özünün ən sevimli Zülfüqar qılıncı da olur. Onun üçün xüsusi olaraq düzəldilən bu qılınc və özünün şəxsi zirehli geyimini Dağıstana göndərir ki, oranın cəsarətli və döyüşkən kişilərinə bu hədiyyəm olsun. Həmin qılınc və zireh hazırda Dağıstanda muzeydə saxlanılır.
Nadir Şahın ətrafında Dağıstan xalqları da olub və ordunun ən döyüşkən igidləri olub. Şah onları o qədər sevib ki, Buxara şəhərinə gələndə yüzlərlə dağlı xalqı, xüsusən ləzgilər üçün buradan böyük torpaqlar hədiyyə edir.

Nadir Şahın Dağıstanda məğlub olması barədə yazılanlar ciddi mənbələrə istinad edilmir. Bu yalançı tarixi kim yazır? İranlı Sardavard, erməni Nazaryan, erməni İskəndəryan.

Özü də ortaya qoyduqları sənəddə "muğan rafiziləri" yazılıb. O dövrdə “rafizi” sözü hardan çıxmışdı? Özü də Muğanda - sünnilərin çoxluq təşkil etdiyi ərazidə.
Təqdim etdiyim bu fotolar Nadir Şaha iftira atanların səhv olduğunu göstərən əlahəzrət faktdır”.