Normalda "başı gedib" deyərik, sosial şəbəkələrdə bəyənirik - Fəlsəfə doktoru

Ölkə.Az xəbər verir ki, bu sözləri hüquq üzrə fəlsəfə doktoru Fərhad Mehdiyev deyib. o, hansısa məhsulun reklamı ilə məşğul olmayan şəxslərin bu cür davranışını anormal hal kimi qiymətləndirib:

“Düşünün ki, bir insan evinin pəncərəsini açır, özünə güzgüdə baxaraq küçədən keçən insanlara başın ora-bura çevirir, ya da başlayır gün ərzində nələr etdiyini danışmağa. Nə deyərik? Deyərik ki, bunun başı gedib və haqlı da olarıq. 
İndi düşünün, insanlar eyni şeyi telefonun qarşısında edir və ən dəhşətlisi odur ki, minlərcə insan onu seyr edir. Yəni cəmiyyətdə belə bir pataloji davranış rəğbət görür. 

Mal və xidmət reklam etməyi bura aid etmirəm, o normaldır, həm də TV yerinə telefondan gələn reklamdır. 

Ciddi insanlar, həyatında hədəfi olan insanlar, belə boş şeylərə vaxt ayırmazlar. Baxacağı kontentdən nəsə öyrənməlidir. Bu bir film ya da komediya da ola bilər, amma mənim burnumun telefonda onlarca insanın şəxsi həyatında nə işi var? Övladlarınızı, ailə üzvlərinizi belə şeylərdən qoruyun, - deyə o əlavə edib.

Billurə