Yay Olimpiya Oyunlarda qaçqınlardan ibarət komanda çıxış edəcək
Ölkə.Az xəbər verir ki, Rio-de -Janeyro şəhərində keçiriləcək 2016-cı il Yay Olimpiya Oyunlarında Beynəlxalq Olimpiya Komitəsinin bayrağı altında qaçqınlardan ibarət komanda çıxış edəcək.
Bu barədə BOK-un prezidenti Tomas Bax məlumat verib.
"Bu qaçqınların nə evi, nə komandası, nə bayrağı, nə də milli himni var. Onlara Olimpiya kəndində digər idmançılarla birlikdə ev veriləcək. Onların himni olimpiya komitəsinin himni, bayraqları isə Olimpiya hərəkatının bayrağı olacaq. Bu komanda bütün qaçqınlar üçün ümid rəmzi olacaq və insanların diqqətini bir daha bu böyük problemə cəlb edəcək",- deyə BOK rəhbəri bildirib.
