Maqnit qasırğasının zərərləri nələrdir və necə qorunmaq olar?

Geomaqnit qasırğaları daha çox ürək, qan-damar və sinir sisteminə mənfi təsir edir. Atmosfer təzyiqində baş verən dəyişikliklər artıq çəkili, ürək-damar problemlərindən əziyyət çəkənlər, infarkt keçirmiş şəxslər üçün daha çox narahatlıq yaradır.

Ölkə.Az xəbər verir ki, sözügedən xəstəlikdən əziyyət çəkən insanlarla yanaşı, yaşlı və ahıl insanlar elektromaqnit dalğalarında olan dəyişiklikləri daha çox hiss edirlər.
Bir neçə gün davam edən maqnit qasırğası zamanı adətən meteohəssas insanlarda təzyiqin birdən-birə dəyişməsi qeydə alınır. Qeyd olunur ki, hətta bu zaman tam sağlam insanlarda da qan təzyiqi yüksələ bilər.

Mütəxəssislər geomaqnit qasırğası baş verən günlərdə günəş şüalarının birbaşa təsiri altında, açıq havada olmamağı, saat 10-dan 17:00-18:00-a qədər bayıra çıxmamağı, sərin yerdə vaxt keçirməyi, gün ərzində 2 litrədək maye qəbul etməyi tövsiyə edir.

Bundan əlavə, təzyiq yüksəlməsi, ürək tutmaları, başqa hər hansı narahatlıq yaranarsa, mütləq həkimə müraciət etmək lazımdır.
Nevroloqlar maqnit qasırğasının insult riskini artırdığını deyir. Belə ki, aşağı dərəcədə geomaqnit qasırğası insult riskini 7-12%-ə qədər, güclü qasırğa isə 41%-ə qədər artıra bilər.
İnsult keçirən xəstələr bu günlərdə qan təzyiqi, şəkər kimi əlavə problemlərini nəzarətdə saxlamalıdırlar.

Eyni zamanda ollarda, ayaqlarda gücsüzlük, görmə pozulması, baş ağrısı, kimi şikayətləri olanlar vaxt itirmədən həkimə müraciət etməlidirlər.

Qeyd edək ki, bu gün Yer kürəsində maqnit qasırğası başlayıb.
Ötən axşam və gecə maqnit sahəsi pozulub, bundan sonra G1 kateqoriyalı geomaqnit qasırğası başlayıb.

Fidan