Trampın Qəzza ilə bağlı sülh planının təfərrüatları açıqlanıb

Ölkə.Az "Əl-Hədas" televiziya kanalına istinadən xəbər verir ki, Trampın Nyu-Yorkda bir sıra ərəb və müsəlman liderlərinə təqdim etdiyi planın təfərrüatlarını paylaşıb.

Amerika planı girovların azad edilməsi müqabilində Fələstin sektorunda müharibənin dərhal dayandırılmasını, həmçinin uzun müddət cəza çəkən 100-200 fələstinli məhbusun azad edilməsini nəzərdə tutur.

Burada həmçinin aşağıdakı bəndlər daxildir:

- HƏMAS-ın Qəzzadan çıxarılması və silahlarını təhvil verməsi müqabilində ona amnistiya təklifi, hərəkatın silahlarının müəyyən müddət ərzində beynəlxalq ərəb qüvvələri tərəfindən toplanması;

- Qəzza Humanitar Fondunun bağlanması. Plana əsasən bu, humanitar yardımın dərhal və maneəsiz çatdırılmasına, bu məsuliyyətin BMT və beynəlxalq təşkilatlara verilməsinə imkan verəcək.

- İsrail qoşunlarının bütün Qəzza zolağından tədricən çıxarılması. Bununla onlar müəyyən edilmiş müddət ərzində oradan tam çıxacaq və Qəzza sakinləri üçün təhlükəsiz keçidlərin yaradılmasına nail olunacaq.

- Qəzzanın beş il ərzində beynəlxalq koalisiya tərəfindən yenidən qurulması, eyni zamanda, ərəb və beynəlxalq nəzarət altında Qəzzanı idarə etmək üçün Fələstin təhlükəsizlik qüvvələri yaradılması;

- Müvəqqəti hökumət - əvvəlcə beynəlxalq qurumun, sonra isə Fələstin komitəsinin formalaşdırılması üçün iki mərhələli proses və bununla sakinlərin Qəzza zolağından məcburi köçürülməsini nəzərdə tutulmur.

Qeyd edilir ki, plan Qətər vasitəçiləri vasitəsilə HƏMAS-a ötürüləcək və dəyişiklik və əlavələr edilə bilər.