Starmer: Avropa ABŞ-dan əlini üzüb, müdafiəsi üçün  hər şeyə hazır olmalıdır

"NATO-nu daha avropalı etmək üçün birlikdə irəliləməliyik. Mənim fikrimcə, Avropa yatmış nəhəngdir". Ölkə.az xəbər verir ki, bunu Böyük Britaniyanın Baş naziri Kir Starmer Münhen Təhlükəsizlik Konfransında çıxışında bildirib. "İqtisadiyyatımız Rusiyanınkından 10 dəfədən çox böyükdür. Bizim nəhəng müdafiə imkanlarımız var, lakin çox vaxt onlar öz hissələrinin cəmindən az olur", - deyə o vurğulayıb. Britaniyalı baş nazirin szlərinə görə, Vaşinqton əvəzolunmaz müttəfiq olaraq qalsa da, ABŞ-ın milli təhlükəsizlik strategiyası o deməkdir ki, Avropa öz müdafiəsi üçün əsas məsuliyyəti öz üzərinə götürməlidir. "Bu, yeni normadır", - o qeyd edib. Starmer əlavə edib ki, Avropa "sərt güc" qurmağa və lazım gələrsə, döyüşməyə hazır olmalıdır. "Bu, dövrümüzün şüarıdır: təcavüzün qarşısını almağı bacarmalıyıq və bəli, lazım gələrsə, xalqımızı, dəyərlərimizi və həyat tərzimizi müdafiə etmək üçün lazım olan hər şeyi etməyə hazır olmalıyıq", - o bildirib.