Britaniyanın müdafiə naziri istefa verib
Böyük Britaniyanın müdafiə naziri Con Hili müdafiə xərcləri ilə bağlı fikir ayrılığı səbəbindən istefa verib.
Ölkə.az "İndependet"ə istinadla xəbər verir ki, nazir istefa qərarını sosial şəbəkədə paylaşdığı məktubla açıqlayıb.
O, Baş nazir Keir Starmera ünvanladığı məktubda hökumətin müdafiə sahəsinə investisiya planının ölkənin ehtiyaclarını qarşılamaqdan uzaq olduğunu bildirib.
"Hili qeyd edib ki, müdafiə investisiya planı tələb olunan səviyyədən xeyli geri qalır. Bu dövr müdafiə sahəsinə daha çox vəsait ayrılmasını zəruri edir", - məktubda deyilir.
Nazirin istefasının hökumət daxilində uzun müddətdir gecikən müdafiə investisiya planı ilə bağlı yaranan gərginlik fonunda baş verdiyi bildirilir. Həmin planın qarşıdakı on il ərzində yeni hərbi texnika və müdafiə infrastrukturunun necə maliyyələşdiriləcəyini müəyyənləşdirməsi nəzərdə tutulur.
Həmidə İbrahimova
