Bakı-2017: Teymur Məmmədov da finalda
Bakı-2017 IV İslam Həmrəyliyi Oyunlarında Azərbaycanın daha bir boksçusu adını finala yazdırıb.
"Ölkə.Az" Trend-ə istinadən xəbər verir ki, 91 kq çəki dərəcəsində çıxış edən boksçumuz Teymur Məmmədov yarımfinalda suriyalı Eldin Qoussun ilə üz-üzə gəlib.
Rəqibindən güclü olan idmançımız finala yüksəlib - 4:1.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.