Aşiq olan kişilər və qadınlar bu hərəkətləri edir

Ölkə.Az xəbər verir ki, bu sözləri türkiyəli tanınmış bədən dili mütəxəssisi Aşkım Kapışmak deyib. O bildirib ki, insan aşiq olanda bədəndə xoşbəxtlik hormonları azalır:

“Dopomin hormonu sizi həyəcanlandırır. Bu, eyni zamanda bağlılıq, asılılıq hormonudur. Noradrenalin isə hiperaktivliyinizi artırır və vəsvəsələrinizi inkişaf etdirir. İkisi birləşəndə aşiq olsanız da, seratonin (xoşbəxtlik hormonu) azalır. Seratonin azalması onunla nəticələnir ki, siz asılı hala düşürsünüz və davamlı olaraq onu düşünməyə başlayırsınız”. 

Mütəxəssis həm kişilərin, həm də qadınların aşiq olanda etdiyi hərəkətlərdən də söz açıb:

“Aşiq olanda qan təzyiqi artır, nəbz sürətlənir. Nəbz artığı üçün qan aşağı doğru, daxili orqanlara çəkilir. İnsanların “sanki mədəmdə kəpənəklər uçuşur” dediyi şey də budur.
Kişilər aşiq olduğu qızı görən zaman üst-başı ilə çox oynayır. Məsələn, köynəyini aşağı doğru çəkir, şalvarının belindən çəkir, əllərini belinə qoyurlar, qaşlarını qaldırır, burun dəlikləri geniş açılır. Aşiq olan kişilər adətən, oturanda ayaqlarını daha geniş açırlar. Buna “xoruzlanmaq” da deyilir. Yəni sanki bədəni qabarır. 

Qadınlar isə aşiq olduğu insanı görəndə dodağını isladır, dodağı çəhrayı rəng alır.
Qadınlar aşiq olubsa, kişilərin tam əksinə ayaqlarını bir-birinin üstünə atır, topuqlu ayaqqabı geyinibsə ayağını oynadaraq ayaqqabını geyinib çıxarır. Aşiq olan qadınlar adətən əllərini ovucun içərisindən qolun bükülən hissəsinə qədər olan hissəni kişiyə göstərir, əli ilə qulağın aşağı hissəsini oynadır”.

Fidan