Artıq çəkiyə təsir edən 5 FAKTOR

“Ölkə.Az” xəbər verir ki, filmdə artıq çəkiyə təsir edən faktorlar sıralanıb. Bu faktorları oxuculara təqdim edirik.

 

1.Bağırsaq mikrobu

İngiltərə ekizlərin tədqiqatı təşkilatı Cilian və Ceki adlı iki əkizi 25 il müşahidə edib. Ekizlərdən birinin çəkisi digərinə nisbətən 41 kilo çoxdur. Professor Tim Spektor bildirir ki, əkizlər arasındakı çəki fərqinin səbəbi bağırsaqların dərinliklərində yaşayan kiçik orqanizmlər, yəni mikroblardır: “Hər yemək yeyəndə yüz trilyon mikrobu da qidalandırırsınız”.

Əkizlərdən nəciz analizi götürülüb. Məlum olub ki, arıq Cilianın orqanizmində bir çox mikrob var. Cekinin orqanizmində mikrob sayı nisbətən azdır.

Professor bildirir ki, arıqlıq mikrobun müxtəlifliyindən xəbər verir. Eyni nəticə 5 min nəfər üzərində aparılan araşdırma zamanı da təsdiqlənib.

Lifli qidalarla birlikdə sağlam və müxtəlif bir pəhriz saxlamaq da müxtəlif bağırsaq mikroblarına səbəb olur.

Lifli qida mənbələri:

Lifli gıda kaynakları arasında bunlar bulunuyor:

Taxıl bitkilərindən ibarət səhər yeməkləri;

Armud və qabıqsız meyvələr;

Brokoli və kök kimi tərəvəzlər;

Lobya;

Paxlalılar

Sərt qabıqlı yemişlər.

 

2.Genetik factor

Niyə bəzi insanlar pəhriz və idmanla məşğul olaraq nəticə əldə edə bilmədikləri halda digərləri bir az cəhd edərək arıqlayırlar?

Kembric universitetinin alimləri bildirirlər ki, ağırlığın 40-70%-i genetic faktorlardan üzə çıxır.

Professor Sadaf Faruqi bildirib ki, çəki məsələsində genlər öz sözünü deyir. Bəzi genlər insanın iştahını və çox yemək qəbul etməsinə təsir edir. Bundan başqa genlər necə kalori yandırdığımızı və bədənimizin yağlarla təsirli bir şəkildə mübarizə edib-etmədiyini də təyin edir.

Çəkiyə təsir edən ən az 100 gen var. Bunlardan biri “MC4R” genidir. Hər min nəfərdən birində bu genin qüsurlu olduğu ehtimal edilir. Bu gen beyində aclıq və iştahı idarə edir. Qüsurlu gen sahibləri daha ac olur və daha yağlı qidalara ehtiyac duyurlar.

3.Orqanizm saatı

“Kral kimi səhər yeməyi, lord kimi günorta yeməyi, kasıb kimi axşam yeməyi ye” məsəlində həqiqətin pay çoxdur. Amma təxmin etdiyimiz səbəblərdən deyil.

Doktor Ceyms Braun bildirir ki, gec yemək qəbul etmək kökəlmə riskini artırır. Bu isə gecə daha az aktiv olduğumuz üçün yox, orqanizm saatı səbəbindən baş verir. Orqanizm gecəyə nisbətən gündüz saatlarında kaloriləri daha rahat yandırır. Bu səbəbdən qeyri-nizami iş saatı olanların kökəlməsi daha çox baş verir.

Gecə orqanizm yağ və şəkəri həzm edir. Əgər axşam saat 19:00-dan əvvəl yemək yesəniz, bu sizin arıqlamağınıza və artıq çəki almamağınıza yardımçı olar.

Son 10 ildə İngiltərədə axşam yeməyinin saatı 17:00-dan 20:00-a çəkilməsi köklük səviyyəsinin artmasına səbəb olub.

Braun bildirir ki, səhər yeməyini yeməmək və ya bir dilim çörəklə kifayətlənmək düzgün deyil. Əksinə, bol proteinli, yağlı və karbohidratlı səhər yeməyi insanı uzun müddət tox saxlayar. 

Günorta yeməyi də tutumlu, axşam yeməyi isə yüngül olmalıdır.

 

4.Beyini aldatmaq

Tədqiqatlar nəticəsində məlum olub ki, insanların 30-50%-i çox yemək yediklərini, kalori qəbul etdiklərini veclərinə almırlar.

Alim Huqo Harper yemək vərdişlərini şüuraltı dəyişdirməyin bir neçə yolu olduğunu bildirir. Məsələn, yeməyi baxıb iştahlanmaqdan vaz keçmək iradəyə güvənməkdən daha təsirli ola bilər. Mətbəxdə sağlamlığa təsiri olmayan yüngül qidalar saxlamayın. Bir meyvə qabını görünən yerə qoyun.

Televizorun qarşısına bir paket biskvit və ya peçenye ilə keçməyin. Boşqaba yemək istədiyiniz qədərini qoyun və yeyin. Ən çox sevdiyiniz yeməkləri qadağan etməyin, daha az kalorili olanını yeyin. Dietik meyvə suyu için və ya stəkanı kiçildin. Kiçik boşqablardan istifadə edin.

 

5.Hormonlar

Mədə kiçiltmə əməliyyatı həm də hormonları dəyişdirir. İştahımız hormonlar tərəfindən idarə edilir və bu əməliyyat bizi tox hiss etdirən hormonların artmasına, ac hiss etdirən hormonların azalmasına səbəb olur.

Londonun “İmperial College” universitetinin tədqiqatçıları mədə kiçiltmə əməliyyatından sonar iştahda dəyişikliyə səbəb olan bağırsaq hormonları yaradıblar.

4 həftə ərzində xəstələrə hormone vurulub. Nəticədə xəstələr daha az aclıq hiss edir, daha az yemək yeyir. 28 gündə isə 2-8 kilo arıqlayılblar.

Hikmət Həsənov
Ölkə.Az