Torpaq sənədləşdirmək adı ilə dələduzluq cinayəti
Xəzər rayonunda yaşayan vətəndaş torpaq sənədləşdirmək adı ilə küllü miqdarda ziyana düşüb.
“Ölkə.Az”ın xəbərinə görə, Akif Şumalov fevral ayında torpağı sənədləşdirmək üçün Turan adlı maklerə 19300 manat pul verib. Ancaq bu müddətdə nə torpaq sənədləşdirilib, nə də pul qayıdıb.
Hazırda Xəzər RPİ-nin İstintaq Şöbəsində araşdırmalara başlanılıb. Əgər zərərçəkənin şikayəti sübuta yetirilsə, Turan adlı maklerə dələduzluq maddəsi ilə cinayət işi başlayacaq
